یو اے ای میں وزٹ ویزہ ہولڈرز کے لیے "ورک پرمٹ” جاری کرنے پرغور

یو اے ای کے ایک اعلیٰ عہدیدار نے وزٹ ویزا رکھنے والوں کو متحدہ عرب امارات میں قانونی طور پر کام کرنے کی اجازت دینے کے فوائد پر روشنی ڈالی ہے۔
اس سلسلے میں ایک ورک پرمٹ اور دیگر قانونی شرائط قائم کی جا سکتی ہیں تاکہ آجروں کو قانونی طور پر زائرین کی خدمات حاصل کرنے کی اجازت دی جا سکے۔
موجودہ قوانین کے مطابق وزٹ ویزا پر یو اے ای میں کام کرنا غیر قانونی ہے۔ جو کمپنیاں زائرین کی خدمات حاصل کرتی ہیں ان پر بھاری جرمانے ہوتے ہیں
کمپنیاں اس بات کی پابند ہیں کہ وہ زائرین کے لیے ورک پرمٹ اورریزیڈنسی ویزہ حاصل کریں۔
ڈاکٹر علی حمید بن خاتم، ایڈووکیٹ جنرل، نیچرلائزیشن اینڈ ریذیڈنسی پراسیکیوشن کے سربراہ نے کہا ہے کہ کمپنیوں کو قانونی طور پر زائرین کی خدمات حاصل کرنے کی اجازت دینے سے باہمی طور پر فائدہ مند تعلقات قائم کرنے میں مدد ملے گی۔
"کمپنیوں کو ایک آغاز کی ضرورت ہے اور ہمارے ملک میں بہت سارے سیاح ہیں جو نوکریوں کی تلاش میں ہیں۔ اس طرح دونوں فریقوں کو فائدہ ہو سکتا ہے۔”
انہوں نے یہ تجویز اس ہفتے کے شروع میں الخوانیج میں جنرل ڈائریکٹوریٹ آف ریذیڈنسی اینڈ فارنرز افیئرز (GDRFA) دبئی کے زیر اہتمام انٹرپرینیورشپ میکرز فورم میں دی۔